BUKU BAHASA MADURA SD/MI JATIM (KELAS 1-6)

BUKU BAHASA MADURA SD/MI JATIM

Kali ini saya bagikan buku Bahasa Madura SD/mi mulai dari kelas 1-6 yang disusun oleh TIM Provinsi dan diterbitkan oleh Dinas Pendidikan Provinsi Jawa Timur. Bagi teman-teman yang membutuhkan silahkan download di bawah ini. 

Download Buku Bahasa Madura SD/MI Kelas 1 klik di sini!

Download Buku Bahasa Madura SD/MI Kelas 2 klik di sini!

Download Buku Bahasa Madura SD/MI Kelas 3 klik di sini!

Download Buku Bahasa Madura SD/MI Kelas 4 klik di sini!

Download Buku Bahasa Madura SD/MI Kelas 5 klik di sini!

Download Buku Bahasa Madura SD/MI Kelas 6 klik di sini!

Download Cover Buku Bhasa Madura Kelas 1-4 klik di sini!

Download Cover Buku Bhasa Madura Kelas 5 dan 6 klik di sini

Cara Menulis Bahasa Madura yang Benar klik di sini!

PERGUB PEMBELAJARAN BAHASA DAERAH JATIM

PERGUB NO. 19 TAHUN 2014

Bagi teman-teman yang membutuhkan berkas PERGUB NO. 19 TAHUN 2014 tentang pembelajaran Bahasa Daerah Jatim silahkan download di bawah ini. Berhubung pembelajaran Bahasa Daerah (Bahasa Madura dan Bahasa Jawa) sejak tahun 2014 wajib diajarkan di Pendidikan Tingkat SD/MI, SMP,MTs, SMA/SMK/MA paling sedikit 2 jam pelajaran dalam satu minggu.  

Download Pergub No. 19 Tahun 2014 klik di sini!

TES FORMATIF KD 3.4 DRAMA 

TES FORMATIF 1 KD 3.1 DRAMA

Èyatorè jȃwȃb sobâl-sobâl ѐ bȃbȃ ka’ḍinto kalabȃn lerres!

1.    Drama sè ngotama’aghi ghuli, sadhâjâ panjhâk/ tokoh ta’ aḍhâ-kanḍhâ, namong aghulina bhâdhân sè èkaparlo èsambhât drama .....

2.    Èyatorè abhâḍhi 2 okara kalabân aghuna’aghi bhâsa èngghi bhunten sè aghânḍhu’ oca’ rangkep!

Èyatorè maos patalètè petthèghân bâca’an drama è bâbâ ka’ḍinto!

Èbhu     : (È paddhu bâgiyân kacèr. Nyekot bingkèng, nanḍhâ’aghi mamabâ dhârâjhâddhâ ana’na sè èkoca’ ta’ toro’ oca) ”Kan iyâ apa ca’na engko’, Bhing, mon nyarè lakè jhâ’ bân-sarombân. Jhâ’ kor nemmo pas mènta kabin. Tèngghu ghâllu mè’ ta’ kasta.

Isa       : Bhu, ampon ta’ kèngèng kadhi ka’ḍinto. Pa’ Mas’ot ampon dhâddhi lakè bhâdhân kaulâ. Sossa senneng ampon dhâddhi tarowanna kaulâ kaḍuwâ’ân.

Èbhu    : Taḍâ’ rèng towa tèghâ ngabâs ana’na oḍi’ nyangsara. Isa : Kaulâ senneng. Abhâreng Pa’ Mas’ot kaulâ ta’ nyangsara.

Èbhu    : Ta’ kellar mellè bherrâs sè èkakanna bhâlâkka Pa’ ghi’ ngoca’ ta’ nyangsara, ngoca’ senneng.

Isa       : Lapar tabu’ bisa ètangèsè. Lapar atè èkèba matè. Tapè, ta’ manglo, ghi’ bânnya’ orèng sè ta’ ngartè.

Èbhu    : (nyandher abhângon bhâdhân paḍâna cèrèt è semma’na ISA) apa? Engko’ èrèken ta’ ngartè? È jhâman satèya ghi’ bâḍâ ropana orèng sè acaca atè. Kacaca atè ma’ rajâ otang sampè’ matè mon ta’ alako sabbhân arèna. Kacaca atè mè’ malarat sampè’ matè mon oḍi’na ta’ negghu’ pèssè.

Isa       : Pèssè lakar parlo. Sadhâjâ orèng bhuto. Ta’ kajhâbhâna kaulâ sareng Pa’ Mas’ot. Nangèng, ta’ kèngèng pas madhâddhi obâng mènangka tojjhuwân tongghâl ḍâlem oḍi’.

Èbhu    : So’ pènter ropana ella bâ’na, Bhing…

Isa       : Kan panjennengngan sè masakola. Sabellunna asakola, lamba’ rama lako adhungngèng bân panebbhâ è astana sampèyan pas ḍâpa’ ka pokang manabi kaulâ ta’ asakola.

Èbhu    : Tapè oḍi’ pagghun bhuto pèssè. Bhuto dhunnya…

Isa       : Èngghi lerres. Nangèng, carana ngaollè rajhekkè bâng-sèbângnga orèng sè ta’ paḍâ.

Èbhu    : Apa sè èyarep bâ’na ḍâri Mas’ot? lakona pèra’ nolès rè-saarè. Oḍi’ bân dhâlubâng bukuna. Apa ollèna? Masoghi, apa? Maḍâteng pèssè, apa?

Isa       : Oḍi’ panèka pèlèyan. Oḍi’ panèka kasangghubhân. Bânnè paksa’an.

Èbhu    : Bâ’na tao, tèngka sajân bânnya’, kabhutowan oḍi’ tambâ abit tambâ atompo’. Mon ta’ alako ḍimma ollèya?

Isa       : Nyatana kaulâ sareng Pa’ Mas’ot oḍi’ kantos samangkèn…. (aghella’)

Èbhu    : Lakar iyâ. Tapè ta’ kappra.

3. Manabi èyoladhi ḍâri sosonan/ struktur drama, pettèghân drama è attas tamaso’ bâgiyân ponapa?

4. Èyatorè jhârbâ’âghi pamertè beccè’ sè bâḍâ neng petthèghân drama è attas!

5. Èyatorè nyarè oca’ sè kèngèng ter-ater sareng kèngèng panotèng bâng-sèbângnga 4 oca’ neng petthèghân drama è attas!

6. Ḍalem petthèghân drama è attas Isa ḍâ’ èbhuna aghuna’aghi onḍhâgghâ ....

7. Èyatorè serrat sè tamaso’oca’ lako sareng oca’ sèpat sè bâḍâ neng petthèghân drama è attas bâng-sèbângnga 2 oca’!

8. Èyatorè okara è bâbâ ka’ḍinto palerres kalabân aghuna’aghi gher-ogher/atoran onḍhâgghâ bhâsa!

a.    Sèngko’ ta’ anḍi’ sapè sono’, apa bâ’na anḍi’? (Obâ ḍâ’ onḍhâk  tèngghi)

b.    Bâ’na èyolok Pa’ Dani, èsoro ka ruang guru satèya. (Palerres, nangèng teptep aguna’aghi onḍhâk anḍhâp)

9. Èyatorè ca’oca’ è bâbâ ka’ḍinto bhâḍhi okara kalabân aghuna’aghi onḍhâk tengnga (bhâsa engghi enten)!

 a. mèreng                b. kasohor

10. Ponapa laèn oca’na ca’-oca’ è bâbâ ka’ḍinto?

a.   nangèng         c. kabhutowan

b.  nemmo          d. kèngèng

Lalakonna Lakonè, Kennengnganna Kennengngè,

Jhâlânna Jhâlânè!

Caraѐpon Nyerrat Ghâncaran (Teknik Menulis Artikel)

Kaangghuy nolès ghâncaran saèstona ta' malarat kadhi sè bâḍâ è pèkkèranna rèng-orèng. Malarat mongghu orèng sè ta' nyacak/ta' nyobâ' nolès tor ta' ngaghingè nèyat kaangghuy nolès. Ghâmpang mongghu orèng sè ngaghungè/anḍi' nèyat kaangghuy nolès. pa-ponapa bisaos manabi ghi' ta' èlakonè kaḍhâng katon malarat. Ḍâlem nyacak/nyobâ' nolès ajjhâ' kantos ngaghungè/anḍi' pèkkèran tako' sala, tako' tolèsanna korang saè/ta' bhâghus. Tolèsan saè/bhâghus mamolanna ḍâri sè ta' bhâghus. Amarghâ serrèng nolès, pongkapasanna/ahèrra bisangasèllaghi tolèsan bhâghus. 

Nyara kaghâli caraèpon nyerrat ghâncaran ka'ḍinto.

Caraѐpon nyerrat ghâncaran  ѐngghi ka’ḍinto:

1.    Mѐlѐ tѐma

Ø  Pѐlѐ tema sѐ sorop/ cocok kalabȃn ngen-angen/ pangaterro jughȃn sorop kalabȃn kamampowan.

Ø  Pѐlѐ tema sѐ salagghi’ dhȃddhi ḍhȃ-kanḍhȃ orѐng bȃnnya’ (aktual).

Ø  Tantowaghi pamangghi ḍȃ’ tema sѐ bhȃḍhi ѐjhȃrbȃ’ȃghi (saroju’ ponapa bhunten).

2.    Tantowaghi bhul-ombhul

Ø  Bhul-ombhul abȃkkѐlѐ tema sѐ bhȃḍhi ѐjhârbâ’âghi.

Ø  Rѐngkes (3 - 5 oca’)

Ø  Mataghiyur pangghȃliyȃn orѐng  kaangghuy maos tolѐsan kantos lastarѐ.

3.    Serrat alinia pamokka’

Ø  Sѐttong alinia biyȃsaѐpon aghȃnḍhu’ sѐttong poko’ pѐkkѐran/ pokeddhâ paragraf (pokok pikiran).

Ø  Jhȃrbȃ’ȃghi parkara sè poko’ sorop kalabân kaparlowan (3 - 5 okara).

Ø  Alinia sѐ kapѐng sѐttong aghȃnḍhu’ poko’ pѐkkѐran sѐ palѐng parlo.

Ø  Sѐpaddhȃ, ponapa nyangghȃbhi pamangghi orѐng laѐn otabȃ ngatorraghi pamangghi abȃ’ dhibi’.

4.    Jhȃrbȃ’ȃghi tema ḍȃ’ pan-saponapan alinia sѐ nerrangngaghi

Ø  Jhȃrbȃ’ȃghi pokeddhâ paragraf / poko’ pѐkkѐran sѐ palѐng parlo (pokok pikiran utama) dhȃddhi pan-saponapan okara sѐ ajhârbâ’âghi.

Ø  Sabbhȃn-sabbhȃn pokeddhâ paragraf / poko’ pѐkkѐran ѐsoson ḍȃ’ sѐttong alinia.

Ø  Sambhungan sѐttong alinia kalabȃn alinia saterrossѐpon kalabȃn panyambhung pѐkkѐran sѐ kowat.

Ø  Panyambhung sabbhȃn-sabbhȃn alinia bisa aropa bȃkto (kronologis), kennengngan (kronologis/ ruang), sabȃb tor pangghibȃt (kausalitas).

5.    Serrat alinia pongkasan otabâ panotop mѐnangka rengkessannѐpon sadhȃjȃ alinia, bisa jughȃn ѐtambȃi sareng pangarep ḍȃ’ sadhȃjȃ para maos. 

Nyara kaghli contona ghâncaran ka'ḍinto!

Ghâncaran "Tèlpon tor HP" èyatorè pècè' è ka'ḍinto!

Ghâncaran "Rosèyaèpon Tamnonè" èyatorè pècè' è ka'ḍinto!

Ghâncaran "Ojhung" èyatorè pècè' è ka'ḍinto!

Ghâncaran "Pembelajaran Pembiasaan Aghuna'aghi Bhâsaa Madhurâ neng Sakola'an" èyatorè pècè' è ka'ḍinto!

PUISI MADURA

 

MADHURȂ

                    Angghidhȃn :    Yayan K.S

Sateppong mèbher

Hajhȃt bulȃ neng ḍȃḍȃ nèko

Kantos sanonto taḍȃ’ bȃuna

Ta’ kèpa’ èkakan bȃkto

Ta’ cèya èterbhȃs angѐn

Asabȃb bulȃ saḍȃrȃ dhȃging

È ḍȃlem  raghȃna ḍhika

Nyabȃ bulȃ saonjhuk ghuli

Ḍȃri ghiyugghȃ tasè’na ḍhika      

Ora’ bulȃ sato’or loros

Ḍȃri mengkangnga tanana dhika

Tèngka bulȃ sajhȃjhȃr lapang

Ḍȃri ngamparra langngè’na dhika

Ghu’imma bȃḍȃ bherruy ojhȃn

Sè malanḍhu tana-tana kajȃl

Bulȃ alabbhu dhaddhi pangaḍȃ’na

Majhenno rebbhȃ è bȃbȃna to-bȃto

Malanḍhu sabȃ bhȃbhuthok tanto

Karep bulȃ nangghȃlȃ bȃjhȃ

Ghumo’ bȃto ѐsoghughȃ

Tana kajȃl è ghuḍhiyȃ

Kalamon ghi’ ongkas nyabȃ bulȃ 

Buḍi arè bhȃkal ngombȃr

Tana bȃto majhembhȃr

Sanonto mèmpèna èpamalang

Neng konco’na lalang

Amènḍhȃ Adi Rasa

                    

Teknik Memparafrase Teks Geguritan/Puisi

Caraèpon Ngobâ Puisi Dhâddhi Ghâncaran 

Caraèpon Ngobâ Puisi Dhâddhi Ghâncaran èngghi ka'ḍinto: 

1. Langkong ḍhimèn kodhu ngaghȃli ḍȃ’ èssè’èpon puisi kasebbhut.
2. È ḍalem puisi bȃnnya’ aghuna’aghi oca’ kèyasan, majas, oca’ pèlèyan/ diksi, oca lalongèt, mèlaèpon kodhu ongghu-ongghu ngaghâli.
3. È ḍalem ghȃncaran ta’ kodhu aghuna’aghi bhȃsa rarengghȃn/ oca’ lalongèt.
4. Poko’ pèkkèran è ḍalem puisi ta’ masthè bȃḍȃ è sèttong bait.
5. Okara sè aropa katerrangan è ḍȃlem ghȃncaran sajȃn bȃnnya’ sajȃn saè, nangèng sadhȃjȃna akor otabȃ cocok sareng poko’ pèkkèran sè bhȃḍhi èjhârbâ’âghiyȃ.  sareng samacemma.

Èyatorè kaghȃli areng-sareng puisi Madhurȃ  sè bȃdhi èobȃ ḍȃ’ ghȃncaran!

           Madhurâ

                    Angghidhân: Yayan K.S.

Sateppong Mèbher

Hajȃt bulȃ neng ḍȃḍȃ nèko

Kantos sanonto taḍȃ’ bȃuna

Ta’ kèpa’ è kakan bȃkto

Ta’ cèya è terbȃs angѐn

Asabȃb bulȃ saḍȃrȃ dȃging

È ḍȃlem  ragȃna ḍhika

....................................

....................................

(Puisi kasebbhut bâḍâ terrosanna)

 

Petthèghân puisi è attas ghȃncarannèpon korang langkong akadhi ka’ḍinto :

Hajhȃt saè orèng Madhurȃ  (sè ngangghit puisi) kaangghuy mamajhu Madhurȃ sè ta’ ghȃmpang èlang.  Ta’ èlang sakonè’a sanaos è ḍȃlem bȃkto sè abit, sadhȃjȃna ta’ parduli ḍȃ’ pan-saponapan sè dhȃddhi alangannèpon, sabâb orèng kasebbhut bȃḍȃ è Madhurȃ.